Nakaposas
Natodas
Posas! Todas!
Posas! Todas!
Nakaposas Natodas!
Kumakaripas ang nakatsinelas
Di kilala ng mejas
Makalyo na swelas
Silang tumatakas
Baka madulas
Dalas pa naman maabutan ng malas
Baka makagat ng matalas
Na pangil
Ang bala ni hudas
Sa udyok ng ahas
Pinitas na ang prutas
Binenta ang kaluluwa
Kapalit ng pesetas
Kailan ba lilipas
Kahirapang pirming
Dinaranas
Kailan lalampas sa landas na kupas
Walang patalastas
Ganitong palabas
Sa halip na bigas at gatas
Dahas ang lunas ng sistemang ungas
Likas na buhay winaldas
Kailangan na nga ibaklas
Posas! Todas!
Posas! Todas!
Nakaposas Natodas!
Dinggin ang payo ni Elias
No comments:
Post a Comment